Vorið í október

Fundum hús á Birch Street (Birki stræti) í byrjun október, hálfum mánuði eftir komu okkar til Nýja Sjálands. Redduðum okkur gamalli Toyotu Corollu og fórum í nokkrar ferðir út úr bænum, meðal annars til höfuðborgarinnar Wellington og Hamilton þar sem tölvugarmurinn fór í viðgerð. Halldór pantaði ferð upp í fjöll til að sjá snjó og keyrðum við upp á skíðasvæðið í fjallinu Ruapehu. Sáum Kiwiana vinna heimsmeistaramótið í rúbbý á risaskjá niður í bæ. Veðrið skánaði mikið með hverjum deginum og plöntuðum við nokkrum tómat, papríku og jarðaberja græðlingum í potta.

Útsýnið út um stofugluggan okkar á Birch Street í Taupo

Fallegt útsýni á leið til Wellington. Engin furða að þeir tóku upp Hringadróttinssögu hér á NS.

Á leið upp í snjóinn á fjallinu Ruapehu (í baksýn).

Komin í snjóinn.

Gaman að renna sér!

Heima um kvöldið eftir góðan dag upp í fjallinu hinumegin við Taupo vatn.

Halldór fagnar sigri All Black í HM í rúbbý niður í bæ.